$Revision: 2562 $ 2008-02-15 KoSt

Symbolet for forgrunnutsvalet i verktøyskassa

Dette verktøyet blir brukt for å trekke ut forgrunnen frå det aktive laget eller frå eit utval. Det bruker ein spesiell metode, den såkalla SIOX-metoden (Simple Interactive Object eXtraction) som du kan finne meir om på Internett under [SIOX].

Verktøyet bruker eit par steg for å lage eit utval:

  1. Marker sånn omtrentleg det området du vil trekke ut. Pass på å ta med minst mogleg av bakgrunnen. Når du aktiviserer dette verktøyet, blir musepeikaren omforma til ein lasso for å vise at verktøyet arbeider på same måten som frihandsverktøyet (lassoen).

    Når du slepp opp museknappen, blir det umarkerte området av biletet dekka med ei mørkeblå maske. Dersom utvalet ikkje er lukka, vil endane bli lenka saman automatisk med ei rett linje. Musepeikaren skifter frå lassoen til målarpenselen.

    Grovmarkert forgrunn

  2. Bruk penselen og trekk ein kontinuerleg strek over dei fargane du vil ha med i utvalet innføre markeringa. Du kan endre breidda på penselen etter behov. Det er likegyldig kva farge du brukar, men sjølvsagt er det lurt å bruke andre fargar enn dei du finn i utvalet. Det er viktig at du ikkje teiknar over noen av bakgrunnsfargane.

    Streken teikna på forgrunnen

    I dette eksemplet er det viktig at streken går over det gule midtpartiet i blomsten.


  3. Når du slepp opp museknappen, vil alle umarkerte område bli mørke:

    Område som skal markerast

  4. For å gjere markeringa om til eit utval må du trykke Enter-tasten:

    Forgrunnen er blitt eit utval

[]

Så lenge du ikkje har brukt Enter-tasten kan du angre utvalet med menyvalet VelIngen. Kombinasjonen Ctrl + Z verkar ikkje på dette filteret. Har du bruk for å fjerne utvalet, må du klikke på biletet med eit anna verktøy.

Du kan aktivere dette verktøyet på to måtar:

  • Ved å klikke på verktøysymbolet i verktøykassa

  • eller frå biletmenyen via VerktøyUtvalsverktøyaForgrunnutsval.

  • Dette verktøyet har ingen snarveg, men du kan lage ein ved å gå inn på FilBrukarinnstillingarGrensesnittSet opp tastatursnarvegarVerktøyForgrunnsutval

Ctrl

Ved hjelp av Ctrl-tasten kan du veksle mellom at teikninga skal markere forgrunn eller bakgrunn.

Innstillingane for verktøyet forgrunnsutval

Du kan få fram verktøyinnstillingane ved å (dobbelt)klikke på verktøysymbolet i verktøykassa.

Modus; Kantutjamning; Mjuke kantar
[]

Mange av innstillingane er meir eller mindre felles for alle utvalsverktøya, og er nærare omtalte i . Bare innstillingar som er spesifikke for dette verktøyet er omtalte her.

Samanhengande

Dersom denne er aktivisert vil bare område som er samanhengande med penselstrøka bli valde. Dersom denne ikkje er aktivisert, vil alle område med same farge bli valde.

Effekten av valet samanhengande

To separate område med same farge. Bare det venstre området er markert med penselen.

Effekten av valet samanhengande

Det er merka av for samanhengande. Bare område nær den teikna streken er markert.

Effekten av valet samanhengande

Samanhengande er ikkje aktivert. Begge områda, sjølv om dei ikkje grensar mot kvarandre, er markerte.


Interaktive forbetringar

Dette er innstillingar som gjer det enklare å arbeide meir presist på markeringa:

Marker forgrunn

Dette er den forvalde innstillinga. Den teikna streken som markerer kva som skal vere med i utvalet bruker forgrunnsfarge frå verktøykassa.

Marker bakgrunn

Dette valet gjer at det du teiknar på ikkje blir med i utvalet. Du kan aktivere denne anten ved å trykke på radioknappen eller ved å halde nede Ctrl-tasten. Musepeikaren viser ein lite viskelêr og eit minusteikn. Verktøyet teiknar med bakgrunnsfargen frå verktøykassa. Pikslar som har same fargen som dei utviska pikslane blir ikkje markerte.

Liten pensel / stor pensel

Her bestemmer du kor stor penselen skal vere.

Utglatting

Denne kan brukast til å gjere utvalet litt uskarpt. Dette kan dekke over småfeil i utvalet.

Verknaden av utglattinga

I dette eksemplet er bakgrunnsfargen brukt for å teikna små hol i biletet (venstre).

Verknaden av utglattinga

Utglatting = 0: Hol større enn 1 piksel blir ikkje markerte.

Verknaden av utglattinga

Utglatting = 7: Hol med mindre enn 3 pikslar blir markerte.


Maskefarge

Dette er fargen som blir brukt for å maskere biletbakgrunnen. Du kan velje mellom raud, grøn eller blå.

Fargefølsemd

Denne funksjonen bruker fargemodellen L*a*b. Dersom biletet inneheld mange pikslar i same fargen men med ulike fargetoner, kan du gjere markeringa meir kjenslevart for denne fargen.